INFORMAZIO OROKORRA:
Ulibarri Programan dauden ikastetxeek azken urteotan egin dituzten jardueren bilduma da hau. EAEko laurehun ikastetxetik gora dabiltza euskararen erabilera indartzen eremu askotan. Euskararen erabilera indartzeko egiten dituzten jarduerak konpartitzen dituzte zuekin. Atal ezberdinen araberako aukeraketa egin dezakezue, zuek landu nahi duzuena kontutan hartuz.
Jardueren ezaugarriak:
- Izenburua: Jardueraren izenburua.
- Jardueren sailkapena: Jarduerak 3 kategorien arabera sailkatzen dira eremua, esparrua eta eragin esparrua. Kategoria hauen antolaketa ikusi
- Nori zuzendua: Jarduera norentzat den eta ikastetxean zein etaparentzat den egokia zehazten da. Horretarako zein estamenturi eta etapari zuzendua dagoen adierazten da:
- Estamentua: Hezkuntza komunitatean jarduera nori zuzendua dagoen adierazten da: Ikasleak, Irakasleak, Gurasoak, Administrazio eta zerbitzuetako langileak, Hezkuntza komunitate osoa.
- Etapa: Zein mailatara zuzendua dagoen adierazten da, txikia, handia, denentzat... Hauek dira aukerak: HH, LMH, DBH, Batxilergoa, LH (Lanbide Heziketa), Helduak, Etapa guztiak/Ikastetxe osoa.
- Partaide kopurua: Jardueran aritzeko partaide kopurua zehazten da. Partaide kopurua definitzeko 5 neurri erabiliko dira:
- Bakarka egiteko: Bakarka egiteko.
- Talde txikia: 5-10 neska-mutil.
- Talde handia azpimultzotan: 15-30 neska-mutil horiek 3-4-5 taldetan banatuta.
- Talde handia: 15-30 neska-mutil.
- Hainbat talde batera (etapa bat, ziklo bat, bi gela eta abar.).
- Arduraduna: Jarduera aurrera eramateko arduraduna nor den zehaztuko da.
- Arduradunaren zeregina: Arduraduna edo jarduera eramaileak jardueran hartzen duen papera azaltzen da. Hau da, antolatzailea, partaidea, gidaria, behatzailea eta abar.
- Materiala: Jarduera burutzeko beharrezko baliabideak: errotulagailuak, liburuak, ...
- Helburuak: Jardueraren bitartez lortu nahi duguna.
- Azalpena: Jardueraren prozesua xehetasun handiz adieraziko da. Kontutan izan ezazue irakurtzen duenak ez duela jarduera ezagutzen.
- Ebaluazio adierazleak: Jardueraren ebaluaketa nola burutuko den azalduko da. Jardueraren helburua bete dugun jakiteko zer neurtuko dugun, nola,...
- Aldaerak: Jarduerak izan ditzakeen aldaerak, beste era batean egiteko.
- Oharrak: Jarduera egiteko garrantzitsua gerta daitekeen zerbait.
- Dokumentazio osagarria: Jarduera burutzeko beharrezkoa den material osagarria (txantiloak, bideoak, testuak....) edo jarduera egin eta gero sortutako materiala.
