Albistegi publikoa
'Beranduegi" sareko telebista hasi da emititzen
Argia.com produktu berri
bat hasi zaigu eskaintzen bere multimedia atal aberatsean
(film laburrak, dokumentalak, ekitaldiak...).
Beranduegi
albistegi ironikoa eta laburra da eskaintza berria.
Hona hemen Sustatun egin
duten aurkezpena:
© cc-by-sa Argia.com ¦ 2011-01-19 ¦ 07:52 ¦ Telebista
Beranduegi gatoz, bai. Badakigu telezaborrak hartu dizula egongela. Txutxumutxu, pilota partidu, reallity show eta informazio transgenikoek burmuina kutsatu dizute. Bai, guri ere bai. Horregatik erabaki dugu ARGIAn, astean behin Interenterako propio pentsatutako telebista saio bat egitea. Euskarazkoa. Ironikoa. Berritzailea. Laburra, baino sakona.
Beranduegi... ohiko albistegi bat egiteko.
Atalak
Ondorengo atalek osatu dute estreineko saio hau:
- Gorka Bereziartuak azken asteko aktualitateari errepaso zorrotza emango dio.
- Elkarrizketa: Sustrai Colina eta Amets Arzallus. Ipar Euskal Herriko bertsolaritza eta euskararen inguruan.
- Erreportajea: Ozono geruza eta klima aldaketaz Joxerra Aizpurua.
- Blogak: Jon Tornerren "Antibirusak eta galtzontziloak".
- Lehiaketa: Asteburu bat Ellauri hotelean, Asisko Urmenetaren marrazki bateko bokadilloak originalen betetzen dituenarentzat.
- Amaiera: Errautsak antzezlanarekin agurtuko dugu saioa.

