Albistegi publikoa

Berria 'Euskaraz jarduteko aktibazioa: ideia zenbait psikologia sozialetik'. Eduardo Apodakaren hitzaldia aurtengo Udaltopen


HNTIrun / 2013-05-21 13:50:46

Apirilaren bukaeran izan zen  Udaltop 2013 jardunaldia (Udaletako euskara zerbitzuen V. topaketa)

Bertan Eduardo Apodakak Euskaraz jarduteko aktibazioa: ideia zenbait psikologia sozialetik ponentzia aurkeztu zuen. Ponentzia interesgarria, benetan

Ponentziaren aurkezpena eta txostena eskuragai dituzue (aurreko esteketan klik eginez, eta hemen ere)

Honela aurkezten digute ponentzia: " Testu honen helburua euskaraz jarduteko aktibazioari Psikologia Sozialetik egin dakizkiokeen hainbat ekarpen aurkeztea da. Gogoeta honen ardatza honako hau da: euskaraz jardunaraztea komunikazio-praktiketan esku hartzea da, jendea eta jokaerak aldatzea, eta interbentzio hura ere komunikazio-praktika denez eragile adituak azterketa bikoitza egin behar du, alde batetik jende arruntaren komunikazio-praktikak aztertuz eta bestetik, baina aldi berean, hark haiekin dituen komunikazio-praktikak ere behatuz eta kudeatuz. Guztietan gakoa zentzua da: hura da jokaera bati eusteko edo bertan behera uzteko gakoa. Komunikazioan inplikaturik diren guztiek dihardute "zentzugintzan"; izatez, gatazka antzeko tira-bira da zentzuak sortzea eta eraldatzea.Horrenbestez, komunikazio egokituaren gaineko ikuspegi integrala eskaintzen da, jokaera-moduak bereizteko abiapuntu teoriko bat aurkezten da eta komunikazio-praktikak, era egokian, esku hartzean egin beharreko gogoeta egiteko eredu bi azaltzen dira.

Hitzaldiaren bideoa, hemen: http://www.udaltop.com/bideoak/euskaraz-jarduteko-aktibazioa-ideia-zenbait-psikologia-sozialetik

Berria Komunikazio elektronikoa: IVAPen gomendioak web-orriak idazteko


HNTGetxo / 2013-05-17 12:22:12

Herri Arduralaritzaren Euskal Erakundeak (IVAP) berrehun orrialdeko argitalpena plazaratu du, euskaraz, Interneti egokitutako kalitatezko komunikazioa helburu. Xabier Amatria, Urtzi Barrenetxea, Irene Fernández, Rakel Olea, Joseba Uskola eta Izaskun Zuntzunegi dira Komunikazio elektronikoa: IVAPen gomendioak web-orriak idazteko lanaren egileak.
Liburua IVAPen webeko Argitalpenak atalean  aurki daiteke.

Berria Mintzatu: euskaraz hitz egiten den leku guztiak elkarlanaren bidez identifikatzeko sare soziala


HNTIrun / 2013-05-13 10:09:11

Sustatu.comen irakurri dugu albistea
| atzo : 10:05

Orain dela hilabete batzuk, Mintzatu aurkeztu genizuen, Irontec eta Azkue Fundazioak sortutako sare soziala. Euskaraz hitz egiten den munduko leku guztiak elkarlanaren bidez identifikatzea helburua duen proiektu hau, handitzen doa eta mugikorrentzako aplikazioa lantzen ari gara lekuen identifikazioa errezteko.

Gelan Hizkuntza Jarrerak lantzeko orduan mintzatu.netek tokia izan dezakeelakoan nago.

Izan ere mintzatu.net kontsultatzea, eta, bereziki, mintzatu.net elikatzeko auzoan/herrian gune euskaldunak bilatzea Hizkuntzarekiko Gizarte Pertzepzioa optimizatzeko jarduera interesgarria izan baitaiteke

Gehiago irakurtzeko: http://sustatu.com/irontec/1368187528

Webgunera joateko:  http://www.mintzatu.com/

Aurkezpen bideoa: http://youtu.be/XJkrkTLlrdo




Berria Ahotsak ikasgelan: ahozko ondarea ikasgelan lantzeko webgune berria


HNTIrun / 2013-05-08 12:44:22

Sustatun irakurri dugu albistea:


Ahozko ondarea, memoria historikoa eta transmisioa ikasgelan lantzeko materiala. Lehenengo urratsak ematen ari gara, zenbait irakasle eta ikastetxerekin elkarlanean, Euskal Herriko Ahotsak proiektuko materiala ikastetxeen esku jartzeko eta ikasgelan lantzeko. Hauxe da proiektu pilotuaren webgunea. ikasgelan.ahotsak.com 

Aurkezpen bideoa: http://youtu.be/VyfjIhvY9GM

Berria Euskal Herri osoko 70 lagun arituko dira transmisioari buruzko mintegian


HNTGetxo / 2013-05-03 13:34:17

Euskararen erabilpena bermatzeko, transmisioa funtsezkoa da. Argi dute hori Eta Kitto! Euskara Elkartean eta horregatik antolatu dute euskararen transmisioari buruzko mintegia, hirugarren urtez jarraian. Eibarko Portalea kultur etxean ospatuko da datorren asteartean, maiatzak 7, egun osoan zehar, eta Euskal Herriko leku guztietatik etorriko dira partehartzaileek. «Nafarroatik datoz, Iparraldetik, eta hurbilagotik ere bai» azpimarratu zuen atzo Ainara Labado antolatzaileetako batek. Guztira 70 bat pertsona izango dira euskararen transmisioari buruz egiten ari diren lanak bertan ezagutuko dituztenak.

(2 erantzun)

Berria Ez da hain fazila… euskaldun berria izatea


HNTIrun / 2013-05-02 09:39:03

Dakizuenez  EMUN aspalditxo hasi zen TELP tailerrei buruzko bloga lantzen
Blog honetan usteei, aurreiritziei eta hizkuntza-jokabideei buruzko zenbait mezu interesgarri argitaratu dituzte, azkena hau:

Ez da hain fazila… euskaldun berria izatea

...

Umorez egindako esketx honek bete-betean irudikatzen du euskaldun askoren artean dagoen joera: euskaraz aritzeko zailtasunak dituen pertsona baten aurrean euskaraz egin beharrean gaztelaniara aldatzea.  Konturatzen ote gara gure portaera horrek dituen ondorioez? Portaera horrekin ematen dugun mezuaz?

...

Mezua osorik irakurtzeko: http://telptailerrak.com/?p=583

Bideoa ikusteko: http://www.youtube.com/watch?v=Q4Hz7-7pQQw

Gogoan izan, Bloga landu ez ezik TELPari buruzko GUREAZ BLAI irratsaioa ere egiten dute EMUNekoek (asteartero, info 7 irratian). Orain arte emandako saioak hemen dituzue eskura: http://www.info7.com/category/gureaz-blai/


Berria Euskarazko produktu digital berriak sarean


HNTIrun / 2013-04-30 12:02:50

Horiek dira produktu berri horien artean erabilgarrienak. Produktuak Hizkuntza Politikarako Sailburuordetzaren (HPS) webgunean daude ( klik egin hemen)

Bideoak hemen. Xuxen, Uzei eta Elhuyar hiztegiak nola instalatu azaltzen duen bideoa hemen ikus dezakezu:

Informazioa gehiago Sustatun: http://sustatu.com/1367304778553 edo HPSren wegbunean http://www.euskara.euskadi.net/r59-bpeduki/eu/contenidos/noticia/albis13_20_produktu_digitalak/eu_digital/produktu_digitalak.html

Berria Euskal Literaturaren Irakaskuntzaz aritu zen Idurre Alonso 'Euskal Kulturgintzaren Transmisioa' graduondoko ikastaroan


HNTIrun / 2013-04-29 09:54:14

Euskal Literaturaren Irakaskuntzaz aritu zen Idurre Alonso Euskal Kulturgintzaren Transmisioa graduondoko ikastaroan.  Berria TBk eskaini digu saioaren aurkezpena. Aurkezpen horretan dioen bezala, saioan euskal literaturaren irakaskuntzak egun dituen erronkak aztertu zituen, ikastetxeetan literatura lantzeko dauden oztopoak eta literaturaren irakaskuntzak egin ditzakeen ekarpenaz (hizkuntza gaitasunaren  eta beste hainbat konpetentzien garapenean).

Hitzaldian azaldutakoak Idurreren doktoretza-tesian du oinarri. Tesian landutakoa"Erdigune literarioak irakaskuntzan" liburuan argitaratu zuen


(Erantzun bat)

Berria 'Bazen behin... mintzamena!' erakusketa. Donostian, ekainaren 12 arte


HNTIrun / 2013-04-25 10:09:17

Hirutxuloko Hitzan irakurri dugu albistea:

Gizakiaren eboluzioan komunikazioak izan duen eragina aztertu dute ‘Bazen behin… Mintzamena’ erakusketan

Giza komunikazioaren historia aztertu eta azaltzen du Bazen behin… Mintzamena erakusketak. Komunikazioak gizakiaren eboluzioan izandako eragina  ahalik eta era adierazgarrienean eta interaktiboenean jaso dute. La Caixaren gizarte ekintzak antolatu du erakusketa, Donostiako Udalaren laguntzarekin, (...). Grosen dago erakusketa, Saguesen jarritako karpa handi batean.

Esan bezala, gizakien arteko komunikazioa da erakusketaren oinarria, baina horretarako, lehen gizakiaren garairaino atzera egingo du bisitariak, komunikazioa existitzen ez zen arora. Hala, hiru zati handik bereizten dute erakusketa, Komunikazioa, Mintzamena eta Hizkuntza.

(...)

Pantaila hukigarriak, soinuak, panelak, gizakien erreprodukzioak… erakusketa zabala eta aldi berean arina osatu dute Saguesen. Egunero egongo da zabalik, ekainaren 12a arte. Astelehenetik ostiralera 12:30etik 14:00etara eta 17:00etatik 21:00etara; larunbat, igande eta jaiegunetan, 11:00etatik 14:00etara eta 17:00etatik 21:00etara.

Osorik irakurtzeko, klik egin hemen

Ikastetxeetarako bisitak (sarrera doan): aurretik hitzordua eskatuta 902 906666 telefonoan 


Berria 'Ikasleen Hizkuntza Erabilera, Gelan eta Jolaslekuan; ikaskideen artean eta irakasleekin' Jardunaldiaren bideoak eta PDFak sarean


HNTIrun / 2013-04-23 14:36:02

Urtarrilaren 31n 'VI Soziolinguistika jardunaldia' izan zen, bertan Ikasleen jarduna (hizkuntza-erabilera) aztertu duen ARRUE ikerketaren emaitzak jorratu ziren.

Bada orain jardunaldiaren dokumentazio guztia (hitzaldien bideo-grabazioak eta PPTen PDFak) eskura dugu hemen: http://soziolinguistika.org/jardunaldia/multimedia


Hurrengo 10 artikulu zaharragoak